''திருக்குறள்'' மிக எளிய உரை

கடவுள் வாழ்த்து (குறள் 1-10)

அகர முதல எழுத்தெல்லாம்; ஆதி

                                  பகவன் முதற்றே உலகு.                             

பொருள்:-எந்த மொழிக்கும் முதல் எழுத்து 'அ'.அதுபோல உலகம் கடவுளையே முதன்மையாக கொண்டுள்ளது.

கற்றதனால் ஆய பயனென்கொல்? வாலறிவன்

             நற்றாள் தொழாஅர் எனின்.                

                 

பொருள்:-கல்வியின் நோக்கமும் பயனும் கடவுளை உணர்ந்து வணங்குவதே.

மலர்மிசை ஏகினான் மாணடி சேர்ந்தார் 

நிலமிசை நீடுவாழ் வார்.

பொருள்:-மனத்தாமரையில் கோயில் கொண்டுள்ள கடவுளை வணங்கினால் உலகில் நீடித்த புகழுடன் நீண்ட காலம் வாழலாம்.

வேண்டுதல் வேண்டாமை இலான்அடி சேர்ந்தார்க்கு 

யாண்டும் இடும்பை இல.

பொருள்:-விருப்பு, வெறுப்பற்ற கடவுள் திருவடிகளை வணங்கி வாழ்பவர்க்கு எப்போதும் துயரம் இல்லை.

இருள்சேர் இருவினையும் சேரா; இறைவன்

பொருள்சேர் புகழ்புரிந்தார் மாட்டு.

பொருள்:-கடவுளுடைய புகழை மட்டும் போற்றி வணங்கி வழிபட்டால் நம்முடைய நல்வினை,தீவினையாகிய இரண்டின் விளைவுகளிலிருந்தும் தப்பலாம்.